Idara ya Elimu inalo jukumu la kusimamia utoaji wa Elimu katika ngazi za Awali, Msingi, Sekondari, Elimu ya Watu Wazima na Elimu ya Juu.
Ibara ya 52 ukurasa wa 97: Kuhakikisha Serikali inasimamia utekelezaji wa Sera ya Elimu na mafunzo ya mwaka 2014
Elimu ya Awali
Idadi ya wanafunzi wa Elimu ya Awali walioandikishwa imeongezeka kutoka 79,157 mwaka 2016 hadi 80,176 mwaka 2018 sawa na ongezeko la 1.3%. Idadi ya vyumba vya madarasa imeongezeka kutoka 56 hadi 176 sawa na ongezeko la 68 %. Idadi ya Walimu waliopata mafunzo ya Elimu ya Awali imeongezeka kutoka Walimu 272 hadi Walimu 1,020.
Elimu ya Msingi
Idadi ya wanafunzi walioandikishwa darasa la kwanza imeongezeka kutoka 43,909 mwaka 2016 hadi 82,795 mwaka 2018 sawa na ongezeko la 88%. Idadi ya wanafunzi imeongezeka kutoka Wanafunzi 418818 wakiwemo wavulana 206472 wasichana 212346 hadi wanafunzi 442625 wakiwemo wavulana 219,707 wasichana 222,918 Sawa na ongezeko la 5.7%. Ufaulu katika mitihani ya kumaliza elimu ya msingi umeongezeka kutoka 58.46% (2016) hadi kufikia 70.78 % (2017).
Elimu ya Sekondari
Hali ya mdondoko/kuacha shule kwa wanafunzi umepungua kutoka wanafunzi 2431 sawa na asilimia 2.9 hadi kufikia wanafunzi 2204 sawa na asilimia 2.4. Idadi ya nyumba za walimu imeongezeka kutoka 516 hadi kufikia nyumba 776 Sawa na ongezeko la nyumba 260. Idadi ya shule zimeongezeka kutoka 238 hadi kufikia shule 246. kati ya shule hizo, 183 ni za Serikali na 63 za watu binafsi.
Idadi ya vyumba vya madarasa imeongezeka kutoka madarasa 1710 hadi madarasa 2533. Matundu ya vyoo yameongezeka kutoka matundu 1933 hadi 3793 Sawa ongezeko la matundu 2083.Ufaulu umeongezeka kutoka 60.13 % hadi kufikia 73.73%. Nafasi ya Mkoa Kitaifa katika mtihani wa kidato cha sita imepanda kutoka nafasi ya sita (6 ) hadi nafasi ya Nne (4).
Idadi ya shule za Msingi imeongezeka kutoka shule 864 (2014) hadi shule 898 (2018) sawa na Ongezeko la asilimia 3. Katika shule hizo 842 ni za serikali na 56 ni za binafsi na shule shikizi 68.Wanafunzi Katika Shule za Msingi wameongezeka kutoka wanafunzi 395,616 (2014) hadi kufikia wanafunzi 565,269 (2018) sawa na ongezeko la asilimia 43.
Idadi ya Walimu katika shule za Msingi imeongezeka kutoka walimu 9,590 (2014) hadi kufikia Walimu9,696(2018). Idadi hii ya walimu imeongezeka kiwango cha uwiano wa walimu kwa mwafunzi kutoka 1:41 (2014) hadi kufikia1:58 (2018).
Idadi ya wanafunzi waliofanya mtihani wa kumaliza Elimu ya msingi imeongezeka kwa asilimia 14 kutoka 42,078 (2014) hadi kufikia 47,959 (2018) hali hii imeongeza idadi ya wanafunzi wanaofaulu kutoka 21,078 (2014) hadi kufikia 37,111 (2018) sawa na ongezeko la wanafunzi kwa asilimia 76.
Ibara 161 Ukurasa wa 218-219: Kuimarisha Sekta ya Michezo ili kuinua kiwango cha michezo nchini ikiwa ni pamoja na kuifanya Sekta ya Michezo kutoa fursa za ajira husasan kwa vijana. Viwanja vimeongezeka kutoka viwanja 353 vyenye sifa hadi 383
Shule zinazofundisha michezo zimeongezeka kutoka shule 233 hadi shule 237. Kuanzishwa utaratibu wa kufanya mazoezi kwa watumishi kila siku ya Jumamosi ya mwisho wa mwezi ili kuimarisha afya zao.
