ZIARA YA KIKAZI YA WAZIRI WA UJENZI MKOANI MOROGORO

Posted on: February 21st, 2024

ZIARA YAKIKAZI YA WAZIRI WA UJENZI MOROGORO

Waziri wa Ujenzi Mhe. Innocent Bashugwa amewasili Mkoani Morogoro leo Februari 21, 2024 kwa ziara ya kikazi ya siku nne kwa ajili ya kukagua miradi ya maendeleo ya Mkoani humo miradi ya Sekta ya miundombinu hususan barabara.

Waziri wa Ujenzi Mhe. Innocent Bashungwa akisaini kitabu cha wageni mara baada ya kuwasili Ofisi ya Mkuu wa Mkoa huo

Akiwa Ofisini kwa Mkuu wa Mkoa huo kusaini kitabu cha wageni, ameongea mbele ya waandishi wa Habari kuwa ziara hiyo ni utekelezaji wa moja ya maagizo ya Mhe. Dkt. Samia Suluhu Hassan Rais wa Jamhuri ya Muungano wa Tanzania ya kuwataka viongozi wa serikali kufika maeneo yasiyo fikika ili kutatua changamoto za miundombinu ya barabara.

Aidha amesema Mkoa wa Morogoro, una mchango mkubwa kwa uzalishaji wa chakula hapa nchini, na amesema kwa vile Mkoa wa Morogoro ni Mkoa wa Kimkakati kwenye kilimo  maelekezo ya Mhe. Rais Dkt. Samia Suluhu Hassan ni kuboresha miundombionu ya Barabara na kuunganisha na mikoa au maeneo mengine.  

kwa upande wake Mkuu wa Mkoa wa Morogoro Mhe. Adam Kighoma Malima amesema pamoja  na ziara ya Mhe. Waziri wa Ujenzi kuwa na ziara ya maeneo mbalimbali ya Mkoa huo kukagua miundombinu ya barabara, Mhe. Malima amewasilisha ombi maalum kwa Waziri huyo, ya kupeleka Box Calvati kwa ajili ya kuboresha barabara ya Ifakara - Mlimba ambayo inayokabiliwa na madaraja mengi kutokana na kuwa na mito midogomidogo mingi na kusababisha changamoto kubwa ya barabara hiyo kutopitika hususan wakati wa masika.

Mhe. Waziri Bashungwa anatarajia kuanza rasmi ziara yake hapo kesho Februari 22, 2024 na kutembelea Halmashauri za Kilosa, Gairo, Ifakara, Mlimba na Morogoro DC. Kwa lengo la kukagua miundombinu  ya Barabara.

MWISHO