Elimu

TAARIFA ZA ELIMU

Mkoa una jumla ya shule za Msingi 1,056, kati ya hizo shule 943 ni za Serikali na 113 ni za Binafsi.  Shule za Sekondari ni 318 zikiwemo 249 za Serikali na 69 za Binafsi.

Mkoa una jumla ya Vyuo Vikuu 4 (Vinne) vikiwemo vya Serikali na binafsi.  Chuo Kikuu cha Kilimo cha Sokoine, Chuo Kikuu Mzumbe, Chuo Kikuu cha Kiislam Morogoro na Chuo Kikuu cha Jordan. Pia vipo Vyuo vya Ualimu Ngazi ya Stashahada vilivyopo Dakawa na Morogoro na ngazi ya Astashahada vilivyopo Mhonda na Ilonga. Vipo Vyuo vya Ufundi Stadi 12 vikiwemo 9 vya Serikali na 3 vya Binafsi na Vyuo vya Ufundi  vya VETA 4 (Vinne).

Idadi ya shule za msingi kwa kila halmashauri kwa mwaka 2024 ni kama ilivyo katika jedewali lifuatalo

Jedwali Na.1.Idadi ya Shule za Msingi  Zenye Usajili kwa  Mwaka 2024

Idadi ya shule za sekondari kwa kila halmashauri kwa mwaka 2024 ni kama inavyoonekena katika jedwali lifuatalo:-

Jedwali  Idadi ya Shule za Sekondari Zenye  Usajili kwa  Mwaka 2024 

Uandikishaji wa Wanafunzi wa Elimu ya Awali, Darasa la I-2024  na Kidato cha 1-2024

Jumla ya Wanafunzi wa Awali 81,475 wakiwemo (Wav 41,441) na (Was 40,034) wameandikishwa kati ya 93,551  sawa na asilimia 87.09 ya waliotarajiwa. Wanafunzi 89,215 wakiwemo (Wav 44,834) na (Was. 44,381) wameandikishwa kuanza Darasa la Kwanza kati ya 84,642  waliotarajiwa sawa na asilimia 105.4.  Jumla ya wanafunzi 47,798 wakiwemo (Wav 22,757)  na (Was. 25,041) wa Kidato cha Kwanza 2024 wameripoti kati ya 56,827 waliochaguliwa kujiunga na  shule za Kutwa  Mkoani Morogoro sawa na asilimia 82. Mchanganuo  wa wanafunzi walioandikishwa na walioripoti kwa kila halmashauri umeambatishwa katika majedwali hapa chini:

Jedwali Na. 2TAARIFA YA UANDIKISHAJI WA WANAFUNZI  WA ELIMU YA AWALI 2024

Jedwali Na. 3:Taarifa ya Uandikishaji wa Wanafunzi wa Darasa la Kwanza 2024

Jedwali Na. 4:TAARIFA YA UANDIKISHAJI KIDATO CHA KWANZA 2024

RASILIMALI WATU

Idadi ya walimu shule za Msingi na Sekondari

Mkoa wa Morogoro una jumla ya walimu 9791 kwa Shule za Msingi na walimu 5098 wa shule za Sekondari wakiwepo 3087 wa masomo ya Sanaa na Biashara na 2011 wa masomo ya Sayansi. Hata hivyo mkoa unayo mahitaji ya walimu kwa shule za msingi na sekondari kama inavyoonekana katika Majedwali yafuatayo;

Jedwali Na. …..: Idadi ya Walimu wa Shule za Msingi

Jedwali Na……:Idadi ya Walimu wa Shule za Sekondari

A: WALIMU WA MASOMO YA SANAA NA BIASHARA

B: WALIMU WA MASOMO YA SAYANSI

TAALUMA

HALI YA UFAULU MTIHANI WA KUMALIZA ELIMU YA MSINGI (PSLE) 2023

Jumla ya Shule za Msingi 946 zilifanya Mtihani wa kumaliza elimu ya msingi mwaka 2023. Jumla ya wanafunzi 73,091 wakiwemo Wavulana 35,481 na Wasichana 37,610 walisajiliwa kufanya mtihani.  Watahiniwa waliofanya mtihani ni 71,922 wakiwemo wavulana 34,791 na Wasichana 37,131 sawa na asilimia 98.40 ya watahiniwa waliosajiliwa.

Jumla ya watahiniwa 56,604 Wakiwemo Wavulana 28,964 na Wasichana 27,640 walifaulu mtihani huo. Ufaulu huu ni sawa na asilimia 78.70 ya watahiniwa 71,922 waliofanya mtihani. Nafasi za Halmashuri kwa ufaulu wa asilimia zinaonesha Halmashauri ya Manispaa ya Morogoro inaongoza kwa asilimia 92.93, ikifuatiwa na Mji wa Ifakara asilimia 92.73 na Halmashauri ya Wilaya ya Ulanga kwa asilimia 91.25.

HALI YA UFAULU MTIHANI WA KIDATO CHA NNE(CSEE) 2023

Jumla ya shule 255 zilifanya mtihani wa kuhitimu kidato cha nne mwaka 2023. Jumla ya Watahiniwa 29,460 wakiwemo wavulana 13899  na wasichana 15561 walisajiliwa, na waliofanya walikuwa watahiniwa 28,821 wakiwemo wavulana 13664 .na wasichana 15157.  Watahiniwa 863 sawa na asilimia 2.91 hawakufanya Mtihani kwasababu mbalimbali ikiwemo kuacha shule, utoro, ugonjwa, vifo.

Tathmini inaonesha kuwa, jumla ya watahiniwa waliopata daraja la kwanza mpaka la nne (waliofaulu) 24,114 sawa na asilimia 83.67

JEDWALI NA….. Ubora wa ufaulu kihalmashauri

HALI YA UFAULU MTIHANI WA KIDATO CHA SITA (ACSEE) 2024

 Mkoa wa Morogoro ulikuwa na jumla ya shule 39 zilizofanya mtihani wa kidato cha sita mwaka 2024.  Jumla ya Watahiniwa 3,694 wakiwemo wavulana 1772  na wasichana 12184 walisajiliwa. Watahiniwa  waliofanya walikuwa watahiniwa 4001 wakiwemo wavulana 1874 .na wasichana 2127. Watahiniwa 37 sawa na asilimia 0.93 hawakufanya Mtihani kwa sababu mbalimbali ikiwemo kuacha shule, utoro, ugonjwa, vifo n.k.

Katika matokeo haya , tathmini inaonesha kwamba, watahiniwa waliopata daraja la kwanza mpaka la nne (waliofaulu) 3938 ni sawa na asilimia 99.02 ..

Hali ya ubora wa ufaulu.

Mkoa umeweza kuongeza ubora wa ufaulu kwa kuongeza watahiniwa waliopata daraja la kwanza kutoka 1,416 mwaka 2023 hadi kufikia 1,898 mwaka 2024 sawa na ongezeko la watahiniwa 483 (asilimia 34.11).

Jedwali la Matokeo ya Kidato cha Sita (ACSEE) 2024

MIKAKATI YA KUBORESHA UFAULU

• Kuendelea kutekeleza KPI
• Kusimamia ufundishaji na ujifunzaji shuleni kwa walimu
• Kusimamia mahudhurio ya lazima kwa wanafunzi na walimu shuleni
• Kusimamia ufanyikaji wa mitihani ya ndani na mazoezi ya kila mara shuleni
• Kuimarisha kamati za uthibiti ubora wa shule wa ndani na kufanyia kazi maoni na mapendekezo ya tathmini za shule zinazotelewa na wathibiti ubora.
• Kusimamia kwa dhati mafunzo ya walimu Kazini (MEWAKA)
• Kulipa stahiki za walimu kwa wakati na kufanyia kazi stahili zao za kiutumishi ikiwemo kuwapandisha madaraja.
• Kuhakikisha kwamba shule zote zinatoa chakula cha mchana kwa wanafunzi wote shuleni
• Kuimarisha michezo katika shule za msingi na sekondari.