AJALI YAUA WATU 22

Posted on: March 18th, 2022

Watu 22 wamepoteza maisha na wengine kujeruhiwa baada ya magari mawili kugongana uso kwa uso katika eneo la Melela Kibaoni Mkoani Morogoro barabara ya Morogoro - Iringa  leo Machi 18 2022. Kamanda wa Polisi Mkoa wa Morogoro Fortunatus Musilimu amethibitisha kutokea kwa ajali hiyo pamoja na vifo vya watu hao. 

akieleza kwa kina zaidi Kamanda Musilim amesma ajali hiyo imehusisha magari mawili ambalo ni Basi la abiria lenye namna za usajili T 732 ATH lililokuwa likitokea Mbeya kwenda Tanga na Lori lenye namba za usajili  IT 2816 lililokuwa likitokea Dar es Salaam kwenda Mbeya huku zoezi la uokoaji baadhi ya majeruhi likiendelea.

kutokana na ajali hiyo mbaya Rais wa Jamhuri ya Muungano wa Tanzania Mhe. Samia Suluhu Hassan amempa pole Mkuu wa Mkoa wa Morogoro Martine shigela. "Nawapa pole wafiwa, nawaombea marehemu wapumzike mahala pema na majeruhi wapone haraka" . amesema Mhe Rais.

Aidha, Rais wa Jamhuri ya Muungano wa Tanzania Samia Suluhu Hassan amewataka watumiaji wote wa barabara kufuata sheria zote za Barabarani wakati wote wanapotumia miundombinu hiyo