BODI YA PAMBA TANZANIA YAFANYA UWEKEZAJI KWA KUKODI ENEO LA KIJIJI CHA KIKWAWILA LENYE UKUBWA WA EKARI ELFU 11,000 KWAAJILI YA KILIMO CHA DENGU

Posted on: July 21st, 2025

Mwekezaji Bodi ya Pamba Tanzania  amefanya Uwekezaji wa Kilimo cha zao la Dengu katika Eneo la Shamba la Kijiji cha Kikwawila  lililopo Kata ya Kibaoni kwa Kipindi cha Miezi minne kuanzia Agasti hadi Novemba 2025  ambapo Shamba hilo huwa halitumiwi na Wanakijiji kwani kwa Kipindi hiko huwa wamevuna Mazao yao na kusubiri kipindi kingine cha Msimu  wa Kilimo cha Mpunga ambacho huanza mwezi Novemba. Aidha Mwekezaji huyo amekodi shamba hilo kwa   Shilingi Milioni 50,000,000 ambayo inawekwa katika  Akaunti ya Benki ya Kijiji ambapo kila Ekari sh. 5,000.

Akizungumza wakati wa  Mkutano wa Wanakijiji cha Kikwawila , Viongozi wa Serikali ya Kijiji,  Halmashauri, Wilaya na Wawekezaji hao leo  Jumapili Tarehe 20 Julai 2025,   Mkuu wa Mkoa wa Morogoro Mhe. Adam Kighoma Malima aliwaeleza Wanakijiji hao kuwa mbali na Mwekezaji huyo kukodi ekari hizo pia atawalimia Wananchi ekari elfu 2 ,000 kati ya Ekari 11 anazozikodi na kwamba Wananchi hao watazimamia na kuwa mfano kwa wengine.

" Zitalimwa Ekari elfu 11 zote na Ekari Elfu 2 zitalimwa kwaajili ya Wanakijiji  kila mtu atapewa azisimamie kwenye utaratibu wa Ushirika wa Kijiji, Ekari elfu 9 zitakuwa kwaajili ya Mwekezaji". Alisema Mhe. Malima

Kwa upande wake  Makamu Mwenyekiti wa Bodi ya Pamba Aggrey Mwanri alisema  katika Uwekezaji huo  Wanakijiji hao  watanufaika kwa kuwa Bodi ya Pamba  itachangia Shughuli za kimaendeleo  za Kijamii kama Elimu, Afya, Miundo mbinu n.k

Mmoja wa Wananchi wa Kijiji hicho Bw. Martine Ngwega alieleza kuwa Ujio wa  Mwekezaji huyo  katika Eneo hilo utanufaisha Wananchi wa Kijiji hicho  kwani kwa Kipindi ambacho wanakuwa wamevuna Mpunga eneo hilo linakuwa halitumiki hivyo kuja kwa Mwekezaji huyo kutaendelea kuongeza mapato na ustawi wa Kijiji hicho.

" Tunashukuru Mwekezaji kwa kulichagua eneo letu, kwani pia suala la Miundo mbinu ameahidi kututengenezea na Vijana wetu watapata Ajira kupitia Uwekezaji huu". Alisema Bw.Ngwega